У найбліжэйшы час Белтэлерадыёкампанія не плануе ствараць спецыялізаваны спартыўны тэлеканал.
Пра гэта паведаміў на прэс-канферэнцыі 1 снежня ў Мінску намеснік галоўнага дырэктара галоўнай дырэкцыі першага канала Белтэлерадыёкампаніі Аляксандр Капёнкін.
"На жаль, у свеце няма ніводнага спартыўнага канала, які мае даход або хаця б самаакупліваецца", — зазначыў ён.У той жа час, паводле меркавання А.Капёнкіна, такі канал патрэбны.
"Пытанне толькі, за якія грошы і якой цаной гэты канал ствараць", — сказаў прадстаўнік Белтэлерадыёкампаніі. Спартыўны канал, у прыватнасці футбольны, даваў бы прыбытак, выказаў ён меркаванне, калі б чэмпіянат свету па футболе ішоў круглы год.
Паводле меркавання А.Капёнкіна, вырашэнне гэтага пытання магчыма будзе толькі тады, калі "інфармацыйны і матэрыяльны складнікі не будуць хістацца на вагах".
"Мы ўсё хочам мець 18 тэлеканалаў і тры з іх — спартыўных. Я думаю, што пытанне рана ці позна знойдзе сваё вырашэнне, але на самой справе трэба жыць па сродках. Калі вагі збалансуюцца (кошт пытання і яго значнасць), тады і можна ставіць пытанне аб стварэнні спецыялізаванага спартыўнага канала", — лічыць прадстаўнік Белтэлерадыёкампаніі.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы9
Каментары