У Аўстрыі знайшоўся яшчэ адзін абвінавачаны ў шпіянажы на Расію, піша газета Kronen Zeitung. У гэты раз ім аказаўся супрацоўнік контрразведкі, які падазраецца ў перадачы ў Маскву сакрэтных дакументаў.
Паводле газеты, пад падазрэнне супрацоўнік Федэральнага ведамства па абароне канстытуцыі і барацьбе з тэрарызмам (BVT) трапіў больш за год таму. Увесь гэты час супраць яго вялося расследаванне. У адрозненне ад іншага расійскага шпіёна, супрацоўнік BVT меў доступ да сакрэтных дакументаў і перадаваў іх сваім куратарам у Маскву.
Работнік контрразведкі абвінавачваецца ў выдаванні дзяржтаямніцы. Яму пагражае да 10 гадоў турмы.
9 лістапада стала вядома, што ў Аўстрыі абвінавачаны ў шпіянажы на Расію адстаўны палкоўнік, які працаваў у штабе арміі краіны ў Вене. 10 лістапада ён прызнаўся ў злачынстве. За сваю працу ад расійскай разведкі з 1988 года ён атрымаў €300 тысяч.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах6
Каментары