У Львове ўвечары 8 студзеня пасля абвяшчэння паветранай трывогі прагрымелі выбухі. Пасля стала вядома, што пад удар трапіў аб'ект крытычнай інфраструктуры ў вобласці. Пра гэта паведамілі мэр Львова Андрэй Садовы і кіраўнік Львоўскай абласной ваеннай адміністрацыі Максім Казіцкі.
«Пасля абвяшчэння паветранай трывогі ў Львове была чутная серыя выбухаў. Зараз высвятляем, што менавіта адбылося, ці былі гэта прылёты і ў якім раёне. Працуем з усімі службамі», — сказаў Андрэй Садовы.
У сваю чаргу Максім Казіцкі ў 00:06 паведаміў, што на Львоўшчыне пад атакай быў аб'ект крытычнай інфраструктуры:
«На Львоўшчыне атацы падвергнуўся аб'ект крытычнай інфраструктуры. Больш інфармацыі — потым».
Украінскія медыя паведамляюць, што атакаваць спрабавалі Стрыйскае газавае радовішча і газасховішча ў Львоўскай вобласці.
Апоўначы па ўсёй тэрыторыі Украіны была абвешчаная ракетная небяспека праз пагрозу запуску балістычных ракет з палігона Капусцін Яр у Астраханскай вобласці. Праз некаторы час пасля гэтага і былі зафіксаваныя выбухі ў Львоўскай вобласці.
Мяркуючы па відэа, якія з’яўляюцца ў сеціве, Расія магла ўдарыць па Львоўшчыне «Арэшнікам» без баявой часткі. Гэтак жа сама было і ў першы раз пры прымяненні гэтага тыпу зброі ў 2024 годзе, калі быў удар па Дняпры.
Афіцыйна ўлады, аднак, прымяненне гэтага тыпу зброі пакуль не пацвярджалі.
Мінабароны паказала, як «Арэшнік» заступаў на баявое дзяжурства
Даследчыкі знайшлі месца ў Беларусі, дзе базуецца «Арэшнік»
Зяленскі: «Арэшнік» у Беларусі нясе глабальную пагрозу
Лукашэнка не прэтэндуе на больш чым дзясятак «Арэшнікаў»
Ва Украіне заявілі, што знішчылі адзін расійскі «Арэшнік» проста на палігоне
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары