В.а. прэм'ер-міністра Арменіі Нікол Пашынян запатрабуе тлумачэнняў ад Аляксандра Лукашэнкі ў сувязі з абмеркаваннем сітуацыі вакол АДКБ з краінай, якая не з'яўляецца членам гэтай арганізацыі — Азербайджанам, паведамляе news.am.
16 лістапада ў гутарцы з журналістамі Нікол Пашынян заявіў: «Гэта прыкладна тое ж самае, як калі б напрыклад я запрасіў якога-небудзь замежнага пасла краіны, якая не з'яўляецца членам АДКБ, і распавёў яму пра паседжанне, якое прайшло ў фармаце зачыненых дзвярэй. Я здзіўлены тым, што чалавек, які займае статус кіраўніка дзяржавы на працягу 30 гадоў [насамрэч 24 — НН], мог дазволіць сабе падобны крок. І я, вядома, павінен запатрабаваць тлумачэнняў ад прэзідэнта Беларусі і не толькі ад прэзідэнта Беларусі».
Нікол Пашынян запатрабуе тлумачэнняў таксама ад прэзідэнта Казахстана Нурсултана Назарбаева за выступы з заявамі, якія супярэчылі адна адной. У прыватнасці, пасля паседжання саміта АДКБ ён заявіў, што на пасаду генеральнага сакратара арганізацыі будзе прызначаны прадстаўнік Беларусі.
Нагадаем, што 12 лістапада на сустрэчы з паслом Азербайджана Лукашэнка распавёў Латыфу Гандзілаву, як прайшла сустрэча Рады АДКБ у Астане і дзе абмяркоўвалася пытанне прызначэння новага генеральнага сакратара арганізацыі замест прадстаўніка Арменіі.
«Пытанне ў тым, што Нікол Пашынян павінен проста ва ўрадзе разабрацца з сітуацыяй, бо гэтая краіна сёння ўзначальвае ЕАЭС, наш эканамічны саюз, і АДКБ — вельмі вялікая нагрузка на краіну, якая знаходзіцца ў такім пераходным перыядзе. І ці дасць рады Арменія? Калі Нікол Пашынян разбярэцца і дасць нам адказ, гэта будзе ў Санкт-Пецярбургу», — сказаў тады Лукашэнка.
Цікава таксама, што 19 лістапада запланаваныя таксама ў Мінску перамовы Аляксандра Лукашэнкі і прэзідэнта Азербайджана Ільхама Аліева.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары