Зіма. Прагноз надвор’я ў Беларусі на 9—11 снежня.
Паводле прагнозу Рэспубліканскага гідраметэацэнтра, 9 снежня ў Беларусі чакаецца воблачнае з праясненнямі надвор’е.
Па ўсходзе, а днём і ў заходніх раёнах краіны снег, мокры снег. Ноччу па ўсходняй палове Гомельскай і Магілёўскай абласцей снег моцны, месцамі мяцеліца. На асобных участках дарог галалёдзіца. Вецер паўночны з пераходам днём на заходні, 4—9 м/с, ноччу па ўсходзе парывы да 15—18 м/с. Тэмпература паветра ноччу мінус 1—7°С, днём мінус 3 — плюс 2°С.
У Мінску 9 снежня воблачна з праясненнямі, без істотных ападкаў. На асобных участках дарог галалёдзіца. Вецер паўночны з пераходам днём на заходні, 4—9 м/с. Тэмпература паветра ноччу мінус 3—5°С, днём 0 — мінус 2°С.
У наступныя двое сутак, 10 і 11 снежня, сіноптыкі прагназуюць па краіне воблачнае з праясненнямі надвор’е. 10 снежня ноччу ў асобных раёнах невялікія ападкі (мокры снег, дождж), днём пераважна без ападкаў. Месцамі туман, слабы галалёд. Ноччу і раніцай на асобных участках дарог галалёдзіца. Вецер паўднёвы, 4—9 м/с. Тэмпература паветра ноччу 0 — мінус 6°C, днём мінус 1 — плюс 4°C.
11 снежня пераважна без ападкаў, толькі па паўночным захадзе кароткачасовыя ападкі (мокры снег, дождж). Месцамі туман, слабы галалёд. Ноччу і раніцай на асобных участках дарог галалёдзіца. Вецер паўднёвы, паўднёва‑ўсходні, 5—10 м/с, днём парывы да 14 м/с. Тэмпература паветра ноччу мінус 4 — плюс 1°C, днём мінус 1 — плюс 5°C.
У сталіцы 10 снежня воблачна з праясненнямі. Ноччу невялікія ападкі, пераважна мокры снег. Раніцай і днём часам туман, слабы галалёд. Ноччу і раніцай на асобных участках дарог галалёдзіца. Вецер паўднёва‑заходні, паўднёвы, 4—9 м/с. Тэмпература паветра ноччу мінус 1—3°С, днём 0 — плюс 2°С.
Каментары