Распрацоўшчык гульні «Свет танкаў» афіцыйна перайшоў ва ўласнасць расійскай дзяржавы
Група кампаній «Леста», якая займаецца распрацоўкай папулярнай гульні «Мір танкаў», афіцыйна перайшла ва ўласнасць расійскай дзяржавы. Цяпер ёй распараджаецца Федэральнае агенцтва па кіраванні дзяржаўнай маёмасцю.
У Расіі «Леста» ўключае тры кампаніі: «Леста», «Леста Геймс Эджэнсі» і «Леста Геймс Масква». 11 чэрвеня 2025 года 100% акцый галоўнай кампаніі «Леста» былі перададзеныя Федэральнаму агенцтву па кіраванні дзяржаўнай маёмасцю. Да гэтага кампанія належала былому топ-менеджару Wargaming — Маліку Хатажаеву. Уся група ацэньваецца прыкладна ў 1,7 мільярда даляраў.
У пачатку чэрвеня расійскія ўлады прызналі дзейнасць заснавальнікаў «Лесты» «экстрэмісцкай». Гэта звязана з тым, што ў кастрычніку 2023 года кампанія Wargaming прапанавала гульцам купляць віртуальныя прадметы, грошы ад якіх нібыта ішлі на падтрымку Узброеных сіл Украіны. Па рашэнні маскоўскага суда, усе актывы, звязаныя з гульнямі «Свет танкаў», «Свет караблёў» і Tanks Blitz, павінны былі перайсці дзяржаве.
Wargaming — гэта кампанія, заснаваная ў Беларусі ў 1998 годзе. Яна распрацавала гульні World of Tanks і World of Warships. Да ліпеня 2022 года цэнтр распрацовак у Беларусі (кампанія «Гейм Стрым») належаў цэнтральнаму офісу Wargaming на Кіпры і яшчэ двум дробным акцыянерам. У красавіку 2022 года Wargaming заявіла, што сыходзіць з Расіі і Беларусі. Увесь гульнявы бізнэс у гэтых краінах быў перададзены кампаніі Lesta Games, якой кіраваў Малік Хатажаеў. Тады ж гульні атрымалі новыя назвы — «Свет танкаў» і «Свет караблёў».
Па стане на 17 чэрвеня 2025 года, адзіным уладальнікам беларускай кампаніі «Гейм Стрым» таксама з'яўляецца расійская «Леста», таму і гэты беларускі актыў цяпер кантралюецца расійскай дзяржавай.
«У людзей шок ад данатаў на вайну». Супрацоўнік беларускай юрасобы «Леста» расказаў пра настроі ў калектыве
Кампанія-выдавец «Свету танкаў» публікуе інфармацыю аб сваёй падтрымцы Узброеных сіл Расіі
Расійскія ІТ-асацыяцыі просяць Пуціна абараніць «Лесту» ад нацыяналізацыі
Маскоўскі суд арыштаваў актывы выдаўца гульні «Свет танкаў»
Кіслы звальняў супрацоўнікаў «Варгеймінга», якія падтрымалі напад Расіі на Украіну
Лукашэнка знайшоў незвычайныя словы для спачування Хаменеі: «вераломная атака»27
Каментары