З-за змены клімату расліна, якая паразітуе на дубе, распаўсюдзіцца і на Беларусь
Навукоўцы высветлілі, што арэал расліны Loranthus europaeus патэнцыйна можа пашырыцца на Германію, Польшчу і Беларусь. На публікацыю польскіх даследчыкаў з Прыродазнаўчага ўніверсітэта ў Познані ў часопісе Scientific Reports звярнуў увагу тэлеграм-канал «De facto. Беларуская навука».
Расліна Loranthus europaeus, якая паразітуе на дубе, цяпер расце ў Цэнтральнай Азіі, Турцыі, Крыме і ў Паўднёва-Заходняй Еўропе. З дапамогай мадэлявання даследнікі ацанілі ўплыў прагназаванай змены клімату на 2041-2060 і 2061-2080 гады.
Вынікі паказалі, што арэал Loranthus europaeus патэнцыйна можа пашырыцца на Германію, Польшчу і Беларусь — са скарачэннем у Грэцыі і Турцыі. Гэта будзе мець значныя наступствы для мясцовых экасістэм і эканомікі, а перадусім для лясной гаспадаркі.
Расліна-паразіт можа выклікаць адміранне дрэў-гаспадароў, што прыводзіць да значных эканамічных страт. Адміранне дрэў-гаспадароў не толькі зніжае ўраджайнасць драўніны, але і ўплывае на біяразнастайнасць і здароўе лясоў. Таму неабходная распрацоўка эфектыўных стратэгій для змякчэння ўздзеяння Loranthus europaeus.
Цяпер чытаюць
Памілаваныя 15 чалавек, сярод якіх 13 палітвязняў7
Каментары
Пусть наши учёные делают лекарства из омелы.
Растение идёт к нам в страну не просто так.
Надо не бороться с ним, не уничтожать бездумно, а использовать его для производства лекарств.
Есть научные труды по исследованию химического состава омелы и применения для лечения различных заболеваний. На официальных научных медицинских сайтах.
Мир даёт нам 🍋, чтобы мы сделали лимонад.