У караля Свазіленда, як і ў прэзідэнта Беларусі, ёсць свой афіцыйны сайт http://www.gov.sz/.
Свазіленд – адна з апошніх абсалютных манархій свету, знаходзіцца ў Паўднёвай Афрыцы.Пры каралю дзейнічае парламент, але ён мае дарадчую функцыю і фактычна выбіраецца каралём. У краіне з насельніцтвам 1,1 млн.чалавек дзейнічае забарона на палітычныя партыі.
Нешматлікая палітычная апазіцыя, што знаходзіцца ў эміграцыі, вінаваціць караля Мсваці ІІІ ў вяртанні да сярэднявечных правілаў. Так ён забараніў жанчынам насіць штаны і прыказаў паліцыянтам, што ўбачаць «парушальніцу», здзіраць забароненую вопратку і рваць на шматкі.
Свазілендцы жывуць у страшнай беднасці (сярэдняя заработная плата ў дзень – 1 даляр), тут самая малая ў свеце працягласць жыцця – 32 гады. У гэты час Мсваці ІІІ мае лімузін і самалёт, а ягоныя шматлікія жонкі — палацы.
Вяртаннем Свазіленда да мінуўшчыны называюць і штогадовы «Танец трыснягу». Сёлета ў ім удзельнічала 70 тысяч дзяўчын. Кульмінацыяй свята з’яўляецца прамова караля перад шматлюдным стадыёнам на актуальныя для краіны тэмы, пасля чаго пачынаецца танец напаўголых дзяўчын перад каралём, які выбірае сабе чарговую жонку.Цяпер у Мсваці ІІІ 14 жонак, а некалькі год таму пры чарговым шлюбе ён парушыў уласна выдадзены закон, ажаніўшыся з непаўнагадовай. Цікава, што ягоны бацька за жыццё меў 70 жонак і 1000 ўнукаў.
Пры ўсім Свазіленд знаходзіцца на першым месцы у свеце па долі ВІЧ-інфікаваных. Хворыя на СНІД складаюць каля 40% насельніцтва. А медыцынскай дапамогі катастрафічна не хапае: нават
нявесту караля правяраюць на ВІЧ у суседняй ПАР.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары