У Расіі здзейснена чарговае жорсткае забойства замежніка. На двух рабочых з Таджыкістана напала група невядомых. Аднаму таджыку адрэзалі галаву, іншы атрымаў цяжкія траўмы, але здолеў збегчы.
Праваабаронцы бачаць у гэтым здарэнні новую праяву расізму, які, на іх думку, радыкалізуецца пры патуранні расійскіх уладаў. Праваабаронцы таксама зазначаюць, што ў ксенафобскіх выступах заўважаныя і праўрадавыя моладзевыя групоўкі.
Прадстаўнікі следства паведамілі, што гастарбайтэр, якому ўдалося выжыць, знаходзіцца ў цяжкім фізічным і псіхалагічным стане.
Забітаму ягонага таварышу не толькі адрэзалі галаву, але і нанеслі шэсць удараў нажом у спіну. Адрэзаную галаву на месцы здарэння органы следства не знайшлі, перадае postimees са спасылкай на Бі‑Бі‑Сі.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары