Еўрапейскі парламент рыхтуецца прыняць у сераду рэзалюцыю з заклікам да краін-сябраў Еўрасаюза закрыць свае парты для расійскіх суднаў, якія прыплываюць з Азоўскага мора. Пра гэта гаворыцца ў адной з паправак да рэзалюцыі пра стан імплементацыі Пагаднення аб асацыяцыі Украіна-ЕС, піша «Укрінформ».
«Еўрапарламент заклікае краіны-сябры закрыць доступ да партоў ЕС для расійскіх суднаў, якія прыплываюць з Азоўскага мора, пакуль Расія не адновіць свабодную навігацыю праз Керчанскі праліў і ў Азоўскім моры», — гаворыцца ў папраўцы, якую зрабіла група Еўрапейскай народнай партыі, а таксама дакладчык па Украіне дэпутат Міхаэль Галер.
Еўрапарламентарыі таксама асуджаюць наўмысны акт агрэсіі Расіі супраць Украіны 25 лістапада ў Керчанскім праліве, і патрабуюць неадкладнага і безумоўнага вызвалення ўкраінскіх караблёў і маракоў, якія павінны атрымаць статус ваеннапалонных.
Каментары