Супрацоўнікі крымінальнага вышуку Хойніцкага РАУС затрымалі выкрадальніка аўтамабіля, які належыць мясцоваму жыхару, паведамляе УУС Гомельскага аблвыканкама.
Мужчына паведаміў, што ў ноч з 12 на 13 снежня невядомы скраў яго мікрааўтобус «Мэрсэдэс Спрынтар». Назаўтра ён сам знайшоў аўто за 150 метраў ад таго месца, дзе напярэдадні прыпаркаваў.
Аператыўнікі крымінальнага вышуку мясцовага РАУС пачалі шукаць злачынцу. На працягу двух гадзін выйшлі на меркаванага злодзея. Ім аказаўся 23-гадовы мясцовы жыхар, раней судзімы за крадзеж.
Высветлілася, што ў 3 гадзіны ночы п'яны хлопец убачыў на вуліцы машыну. Тузануў за ручку дзвярэй — яны былі адчыненымі. У бардачку знайшоў запасныя ключы, запусціў рухавік і паспрабаваў паехаць.
Праз 150 метраў бус упёрся ў дрэва. Злодзей не ведаў, што ў аўтамабілі з каробкай-аўтаматам не працуе задняя перадача. Усе спробы выбрацца з пасткі былі беспаспяховымі. Ад гуку рухавіка прачнуліся мясцовыя жыхары, сталі выглядаць у вокны. Хлопец кінуў аўто і пайшоў дадому, дзе яго і знайшлі міліцыянеры.
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай37
Каментары