Прэзідэнт Расіі Уладзімір Пуцін распавёў, што прапаноўваў Аляксандру Лукашэнку згуляць у хакей пасля 3,5-гадзінных перамоў з ім. Пуцін адзначыў, што адмову Лукашэнкі «можна зразумець».
Аляксандр Лукашэнка адмовіўся ад прапановы Уладзіміра Пуціна згуляць у хакей на Краснай плошчы ў таварыскім матчы «Начной лігі». Паводле слоў прэзідэнта Расіі, Лукашэнка спаслаўся на тэрміновыя справы ў Мінску. Прапанова была зроблена падчас 3,5-гадзінных перамоў лідараў дзвюх краін, пра вынікі якіх бакі паведамляць не сталі.
«Аляксандру Рыгоравічу я прапаноўваў, дарэчы. Я яму сказаў, што мы сёння гуляем, прапанаваў яму застацца. Зразумець яго можна. Хутка Новы год. Ён сказаў, што яму трэба быць дома ў Мінску, там шмат пытанняў, бягучых спраў. Перад Новым годам іх заўсёды вельмі шмат», — сказаў Пуцін у інтэрв'ю тэлеканалу «Расія 24».
«Мы з ім дамовіліся, што ўбачымся і згуляем разам і на лыжах пакатаемся», — дадаў Пуцін.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары