А яшчэ ў яго жывуць тры каты.
У Лукашэнкі жывуць тры каты і некалькі сабак, а сам ён вельмі любіць жывёл і прыроду. Пра гэта прэс-сакратар Наталля Эйсмант распавяла ў эфіры вячэрняга шоу «Макаёнка, 9» на тэлеканале «Беларусь 1», піша Tut.by.
Наталля Эйсмант паказала здымак з асабістага архіва кіраўніка краіны — на ім Аляксандр Лукашэнка абдымае сабаку.
«У гэтым кадры ўвесь кіраўнік дзяржавы. Ён праўда любіць прыроду, усё жывое. Гэтыя кадры зробленыя ў Александрыі. І тут відаць, што гэта абсалютна натуральны, не пастановачны кадр. Гэта нейкі сабака, не прэзідэнцкі, які падбег і пацягнуўся да прэзідэнта. Ён быў вельмі ласкавы і спагадлівы», — распавяла Эйсмант.
Яна таксама паведаміла, што ў Лукашэнкі дома жывуць тры каты, але адзін з іх — Нема, ужо стаў публічнай персонай.
«Мы не раз яго здымалі нават у нашых рэпартажах, калі прэзідэнт запрашае да сябе дадому сваіх калегаў, з якімі асабліва блізкія і цёплыя адносіны. Там вы можаце заўважыць такога вельмі каларытнага рудага ката. Яго завуць Нема. Два астатнія хаваюцца, а гэты кот лезе ў кадр», — распавяла прэс-сакратар кіраўніка дзяржавы.
Раней сам Лукашэнка распавядаў, што ў яго ў рэзідэнцыі жывуць не толькі каты.
«У мяне вельмі шмат жывёл. Страусы — трое, індакачкі, качкі, 25 гусянятаў — да новага года дару людзям, куры кітайскія, куры звычайныя нясушкі, індыкі — штук 10. Трусоў было 70, зараз раздаў людзям, пакінуў толькі тых, якіх стрыгуць, бо забіваць труса для мяне гэта немагчыма (не дай Бог, каб дзеці ўбачылі). Засталося, можа, трусаў дваццаць. 10 кароў, 10 коз, 15 авечак і 7 або 8 коней, 4 сабакі - лабрадор, аўчарка і дзве лайкі. Усе падораныя», - распавядаў Лукашэнка.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я18
Каментары