Як у Шайгу: у міністра абароны Раўкова з'явілася маладая асабістая прэс-аташэ ФОТА
Напрыканцы 2017 года інтэрнэт абмяркоўваў знешнасць 26-гадовай Расіяны Маркоўскай — прэс-сакратаркі расійскага міністра абароны Сяргея Шайгу. Ён узяў яе з кола журналістак тэлеканала «Звязды».
Супадзенне ці не, але, як стала вядома «Нашай Ніве», ад нядаўняга часу — з ліпеня 2018 года — і ў міністра абароны Беларусі Андрэя Раўкова таксама з'явілася маладая асабістая прэс-аташэ.
Гэта Наталля Гаўрусік.
Дзяўчына паходзіць з Брэсцкай вобласці, у 2009-м скончыла журфак БДУ і пачала працаваць на «ВаенТБ», дзе даслужылася, калі верыць яе профілю ў LinkedIn, да намесніцы начальніка аддзела тэлевізійных праграм.
У публічнай сферы Гаўрусік з'яўлялася ўсяго пару разоў: у сувязі з вынасам зброі з Баранавіцкай часці, а таксама каментавала вынікі камандна-штабных вучэнняў у верасні.
Дзяжурнае падсумванне вынікаў вучэнняў мог бы агучыць і палкоўнік, прэс-сакратар Мінабароны Уладзімір Макараў.
У чым размежаванне іхніх функцый і якая роля ў самой Гаўрусік?
«Наша Ніве» патлумачыла гэта сама Наталля.
«Я — прэс-аташэ міністра і адказваю за мерапрыемствы з ягоным удзелам, — сказала яна. — Уладзімір Макараў фактычна з'яўляецца маім кіраўніком і курыруе ўсё, мая ж сфера адказнасці — толькі міністр абароны».
Ці не бачыць Гаўрусік паралеляў між з'яўленнем прэс-аташэ ў Шайгу і Раўкова?
«Гэтую пасаду [прэс-аташэ] стварала, вядома, не я. Значыцца, узнікла неабходнасць. Ніхто такіх паралеляў на праводзіў, а пра тое, што існуе Расіяна Маркоўская, я даведалася ўжо пасля прызначэння», — сказала Гаўрусік.
Цяпер чытаюць
Вальфовіч пра атаку дронам аўтобуса з дзецьмі ў Бранскай вобласці: Мэта была сутыкнуць Беларусь з Украінай18
Каментары