Зараз на краўдфандынгавай пляцоўцы «Вулей» праходзіць кампанія па выданні кнігі памяці пра генія мінскага андэграўнду Кіма Хадзеева. Выхад кнігі прымеркаваны да юбілею мысляра — нарадзіўся Кім Хадзееў 17 лістапада 1929 года, — у ёй сабраны самыя розныя па настроі ўспаміны пра яго.
Мэта выдання — злучыць галасы сведкаў і пабачыць Кіма Хадзеева як асобную з'яву чалавечай культуры.
Вялікая памятная кніга «Ким. Великий прохожий» створана ў папулярным жанры мікрапрозы, у яе ўвайшлі тэксты, вершы, інтэрв'ю, рэдкія фотаздымкі і архіўныя дакументы. Выданне — вынік суаўтарства амаль 50 вядомых і таленавітых людзей (сярод іх — Андрэй Хадановіч, Юлія Чарняўская, Адам Глобус, Дзмітрый Строцаў, Юрый Хашчавацкі), яно ўтрымлівае самыя цікавыя біяграфічныя звесткі пра героя аповеду і дасканала ўзнаўляе атмасферу некалькіх дзесяцігоддзяў альтэрнатыўнай савецкай рэальнасці.
Кім Хадзееў вучыўся на філалагічным факультэце БДУ, адкуль, паводле яго ўласнага сведчання, у 1949 быў выключаны за публічныя заклікі да забойства Сталіна.
Арыштаваны і асуджаны да зняволення. Пакаранне адбываў у Ленінградскай спецыяльнай псіхіятрычнай бальніцы турэмнага тыпу. Вызвалены са спецпсіхбальніцы 15 лютага 1954 года. Вярнуўся ў Мінск. Паступіў у Мінскі педагагічны інстытут. Ад гэтага часу Хадзееў удзельнічае, а затым робіцца лідарам розных нефармальных гурткоў і аб’яднанняў.
Зноў арыштаваны 25 студзеня 1962 года. Асуджаны па частцы першай артыкула 67 Крымінальнага кодэкса БССР («Антысавецкая агітацыя і прапаганда»). Хадзееў знаходзіўся ва Уладзімірскай турме, на прымусовым лячэнні ў турэмнай псіхіятрычнай бальніцы пры ленінградскай турме «Кресты» (Ленінградскай спецыяльнай псіхіятрычнай бальніцы турэмнага тыпу). Вызвалены ад прымусовага «лячэння» 8 ліпеня 1963.
З 1960-х гадоў Хадзееў — культавая фігура мінскага інтэлектуальнага падполля, «гуру» мінскага андэграўнда. У аднапакаёвай кватэры Кіма Хадзеева (вул. Кісялёва, д. 17, кв. 24) збіралася маладая інтэлектуальная эліта, многія станавіліся яго вучнямі. Праз гурток Хадзеева прайшлі многія відныя дзеячы культуры Беларусі, напрыклад Уладзімір Рудаў, Мікалай Захаранка, Дзмітрый Строцаў, Юлія Чарняўская, Андрэй Хадановіч.
-
Рэстаўратары аднаўляюць знакаміты жыровіцкі іканастас. Але ў гістарычным колеры ў манастыры яго наўрад ці пабачаць
-
Пабялілі ўсё, да чаго змаглі дацягнуцца. У касцёле ў Жупранах, дзе пахаваны Багушэвіч, зрабілі еўрарамонт
-
Мінкульт пазбавіў статусу помніка архітэктуры згарэлую царкву ў Сцяпанках. Каб не аднаўляць?
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён7
Каментары