Беларуская міліцыя адсочвае аптэчкі са складоў і бамбасховішч часоў СССР. Як аказалася, у іх ёсць прэпараты, якія могуць выкарыстоўваць наркагандляры, піша газета «На страже».
У верасні мінулага года ў Мінску ў закінутым бамбасховішчы на вуліцы Аэрадромнай міліцыянты знайшлі 180 старых індывідуальных аптэчак (АІ-2). Як аказалася, у іх быў псіхаактыўны прэпарат «Тарэн».
З 1979 года ён уваходзіў у наборы медыкаментаў абаронных і сацыяльных прадпрыемстваў. А выкарыстоўваўся як лякарства ад атручэнняў. 10 гадоў таму яго забаранілі і «Тарэн» трэба было знішчыць. Але, як аказалася, гэта патрабаванне выканалі не ва ўсіх выпадках.
Так у 2017 годзе ў Віцебску міліцыянты злавілі двух маладых людзей — у іх была партыя гэтага рэчыва, якога хапіла бы на сотні доз. Адзін з іх сказаў, што знайшоў прэпарат у старым бамбасховішчы.
Выяўлены пад зямлёй прэпарат праз вентыляцыйную шахту хлопец даставаў разам з 16-гадовым школьнікам. Затрыманыя таксама паведамілі пра іншыя падобныя месцы з «Тарэнам». Напрыклад, у бамбасховішчы фабрыкі «КІМ» міліцыя знайшла каля 10 000 таблетак.
А ў красавіку 2018 года ў поле зроку міліцыі трапіў жыхар Віцебскага раёна. У яго таксама захоўваўся «Тарэн». Мужчына заявіў, што не памятае, адкуль узялася старая аптэчка, а ў аптэчцы ён захоўваў рыбалоўныя кручкі. Экспертыза паказала, што мужчына наркотыкі не ўжывае.
У лістападзе гэтага ж года жанчына з вёскі Выгада перадала міліцыі 40 таблетак «Тарэна». Яны ляжалі ў яе ў гаражы ў старых аптэчках, якія засталіся ад папярэдняга гаспадара.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары