У Касцюковіцкім раёне 19 студзеня з хлява на тэрыторыі фермы скралі каня, паведамляе СК.
Падазраваны быў аператыўна затрыманы супрацоўнікамі міліцыі. 56-гадовы нецвярозы мясцовы жыхар пранік у хлеў, сеў на каня і паехаў.
У ходзе допыту падазраванага следчы дазнаўся, што конь патрэбен быў для продажу ў Расію (атрымання грошай).
Распачата крымінальная справа. Каня ацанілі ў 970 рублёў.
Да падазраванага прыменена мера працэсуальнага прымусу — абавязацельства аб яўцы, праведзены яго допыт. Жывёла вернута ўласніку.
СК дадае, што з пачатку 2019 года заведзены чатыры крымінальныя справы аб крадзяжы жывёл. Напрыклад, у пачатку гэтага года спрабавалі выкрасці свіней, а ў мінулым годзе было зарэгістравана больш за дваццаць фактаў крадзяжу пчаліных вулляў з пчоламі.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны26
Каментары