Шэраг еўрапейскіх краін прызнаў лідара апазіцыі Венесуэлы Хуана Гуайдо часовым прэзідэнтам краіны. Пра гэта паведамляе Reuters.
4 лютага пра прызнанні Гуайдо заявілі Швецыя, Данія, Вялікабрытанія, Іспанія, Аўстрыя, Германія і Францыя. Як адзначае агенцтва, гэта адбылося па заканчэнні 8-дзённага ўльтыматуму дзейнаму прэзідэнту Венесуэлы Нікаласу Мадуру. Краіны прад'явілі яму патрабаванні абвясціць аб правядзенні новых прэзідэнцкіх выбараў да 3 лютага.
«Нікалас Мадура не прызначыў новыя прэзідэнцкія выбары ва ўстаноўлены тэрмін. Таму Вялікабрытанія нароўні з еўрапейскімі саюзнікамі прызнае Хуана Гуайдо часовым канстытуцыйным прэзідэнтам да таго часу, пакуль не будуць праведзены выбары, - напісаў у сваім твітары кіраўнік брытанскага МЗС Джэрэмі Хант. — Спадзяемся, што гэта прывядзе да хутчэйшага заканчэння гуманітарнага крызісу».
Каментары