У канцэртнай зале O2 Arena у Лондане прайшла 38-я цырымонія ўручэння прэміі Brit Awards, падчас якой ўзнагародзілі найлепшых поп-музыкантаў года.
Найлепшым гуртом прызналі «1975». Яны змаглі абагнаць такія калектывы, як Arctic Monkeys, Gorillaz, Little Mix і Years & Years. Акрамя таго, яны атрымалі ўзнагароду за альбом A Brief Inquiry Into Online Relationships.
«Галоўным спеваком» стаў Джордж Эзра, а спявачкай — Джорджа Сміт. Кельвін Харыс і Дуа Ліпа былі ўдастоены ўзнагароды «Найлепшы брытанскі сінгл» за іх песню One Kiss. Харыса таксама адзначылі як найлепшага прадзюсара.
Амерыканскай вакалістцы Пінк уручылі прыз за выдатны ўклад у развіццё музычнай індустрыі. Сярод замежных артыстаў брытанскія крытыкі таксама адзначылі Арыяну Грандэ, рэпера Дрэйка і дуэт The Carters (Беёнсэ і Jay-Z)
Прэмія Brit Awards Брытанскай асацыяцыі вытворцаў фанаграм уручаецца штогод з 1982 года і лічыцца брытанскім аналагам «Грэмі»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)