Аднак ДАІ не дае пра яе інфармацыі.
У аўторак 6 чэрвеня каля 11-й гадзіны раніцы на скрыжаваньні вуліцаў Першамайскай і Чырвонаармейскай адбылася аўтамабільная аварыя з удзелам машыны з картэжу А.Лукашэнкі. У канцы вуліцы Чырвонаармейскай знаходзіцца гараж прэзыдэнтуры, таму гэтым маршрутам машыны картэжу праяжджаюць штодзённа. Прычым, як кажуць мясцовыя жыхары, звычайна на даволі высокай хуткасьці.
Чорны мікрааўтобус з танаваным шклом з картэжу сутыкнуўся зь легкавіком «пэжо». У выніку аварыі ў легкавіка быў моцна пашкоджаны перад, у мікрааўтобуса – бок.
Каб аказаць дапамогу пацярпеламу, на месца аварыі прыехала «хуткая». Разьбітае «пэжо» амаль да вечара прастаяла непадалёк ад месца аварыі.
На жаль, нам не ўдалося высьветліць, кіроўца якой з машынаў пацярпеў і хто быў вінаваты ў здарэньні. Ва Ўпраўленьні ДАІ ГУУС Менгарвыканкаму карэспандэнту «НН» было заяўлена: «Здарэньня ў гэтым месцы не зафіксавана».
Сямён Печанко
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары