Жанчыну з Чашніцкага раёна прыцягнулі да крымінальнай адказнасці за цяжкую траўму, якую атрымала яе дачка з-за падзення, паведамляе Чырвоны прамень.
19 снежня жанчына ехала на ровары «Аіст» і везла на багажніку 5-гадовую дачку. Пры выездзе з дарогі на пакрытую лёдам абочыну жанчына не справілася з кіраваннем, страціла раўнавагу і звалілася, а дзяўчынка атрымала складаны пералом сцягна.
Пасля праверкі распачалі крымінальную справу, жанчыне прад'явілі абвінавачанне ў парушэнні правілаў бяспечнага руху, што пацягнула прычыненне цяжкага цялеснага пашкоджання.
Як лічаць следчыя, маці парушыла два пункты ПДР:
— які забараняе веласіпедысту рухацца па дарозе ва ўмовах снегападу або галалёдзіцы,
— які прадугледжвае перавозку малалетняга пасажыра на ровары толькі з дадатковым сядзеннем.
Веласіпедыстку могуць пакараць штрафам або папраўчымі работамі на тэрмін да двух гадоў, ці абмежаваньнем волі на той жа тэрмін, або пазбаўленнем волі на тэрмін да двух гадоў.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары