На гэтым тыдні будзе пераважаць антыцыкланальны характар надвор'я, ападкаў будзе мала і пройдуць яны толькі ў асобных раёнах краіны. З сярэдзіны тыдня тэмпература пачне паніжацца, паведамілі Tut.by ў Гідрамеце.
9 красавіка ноччу і раніцай месцамі, днём па паўднёвым усходзе краіны пройдуць кароткачасовыя дажджы. Ноччу + 2 … + 8°С, пры праясненнях каля 0° C; днём + 9 … + 15°С, па паўднёвым усходзе + 16 … +18°С.
У сераду, 10 красавіка, ноччу -5 … + 2°С, максімальная днём + 6 … + 13°С.
У чацвер, 11 красавіка, істотных ападкаў не чакаецца. Ноччу ў асноўным -2 … + 5°С, пры праясненнях да -5°С, максімальная тэмпература днём + 6 … + 13°С, па паўднёвым усходзе +14 … + 15°С.
У пятніцу ў асобных раёнах краіны пройдуць невялікія кароткачасовыя ападкі, у асноўным дождж. Максімальная тэмпература днём + 6 … + 13°С.
Каментары