Чыстая нафта па нафтаправодзе «Дружба» ў Беларусь яшчэ не паступіла, перагаворы з расійскім бокам працягваюцца сёння ў Маскве, паведамілі БелТА ў прэс-службе канцэрна «Белнафтахім».
«Спецыялістамі арганізацый па нафтаправодным транспарце - ААТ «Гомельтранснафта Дружба» і «Полацктранснафта Дружба» - прыняты ўсе тэхнічныя меры для хутчэйшага атрымання чыстай нафты з расійскага пункта Унеча. Цяпер у трубаправодзе на беларускай тэрыторыі па-ранейшаму знаходзіцца нафта з перавышэннем у саставе нарматыву хлорарганікі. Прапампоўка чыстай нафты па «Дружбе» не пачалася», - праінфармавалі ў «Белнафтахіме».
НПЗ па-ранейшаму працуюць на зніжанай вытворчай загрузцы.
«Канцэрнам і арганізацыямі вядзецца штодзённы ўлік недаатрыманых даходаў з-за зніжэння загрузкі НПЗ, прыпынення экспарту нафтапрадуктаў, рамонту абсталявання і іншых мер, прынятых з-за пастаўкі няякаснай нафты», - адзначылі ў прэс-службе.
Вядзецца таксама ацэнка неналежнага выканання расійскімі контрагентамі дагаворных абавязацельстваў.
«Работа па ўрэгуляванні сітуацыі з пастаўкамі няякаснай расійскай нафты па магістральным нафтаправодзе «Дружба» прадаўжаецца. Сёння дэлегацыя канцэрна «Белнафтахім» на чале з намеснікам старшыні канцэрна Уладзімірам Сізовым знаходзіцца ў Маскве, дзе на базе Мінэнерга РФ будуць прадоўжаны перагаворы з удзелам расійскіх нафтавых кампаній», - дадалі ў прэс-службе.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Каментары