Беларусь хоча мець мірныя і дружалюбныя адносіны з Літвой. Пра гэта Аляксандр Лукашэнка заявіў сёння на сустрэчы з экс-прэзідэнтам Літвы, дэпутатам Еўрапейскага парламента Раландас Паксас, піша БелТА
«Паколькі мы суседзі, а іх не выбіраюць, яны ад Госпада, нам прыйдзецца жыць, як суседзям, хочам мы гэтага ці не. Каб жыць мірна і дружна (мы іншага шляху ў Беларусі не бачым, вы гэта добра ведаеце і разумееце), трэба мець зносіны і размаўляць на розныя тэмы, пачынаючы ад агульнай праблемы бяспекі ў рэгіёне (цяпер, вы ведаеце, у Еўропе штарміць і вельмі моцна, дай бог, каб гэты шторм супакоіўся). З іншага боку, ёсць мясцовыя праблемы. Да прыкладу, будаўніцтва атамнай станцыі — тэма, якая вельмі актуальная ў Літве і, як мы лічым, вельмі палітызавана», - сказаў Аляксандр Лукашэнка.
Еўрадэпутат Раландас Паксас прыбыў з візітам у Мінск па сваёй ініцыятыве. Раней у афіцыйнай якасці ён не наведваў Беларусь. На сустрэчах у Мінску плануе абмеркаваць прапановы па стабілізацыі ваенна-палітычнага становішча ў рэгіёне Балтыйскага мора і пытанне будаўніцтва Беларускай атамнай электрастанцыі.
Паксас быў абраны прэзідэнтам Літвы ў лютым 2003 года.
Але ў красавіку 2004-га быў датэрмінова адхілены ад пасады за грубыя парушэнні Канстытуцыі і прэзідэнцкай прысягі. Паксаса абвінавачвалі ў тым, што паведаміў бізнэсмену Юрыю Барысаву аб праслухоўванні яго тэлефонаў спецслужбамі. Барысаў раней выдзеліў Паксасу 400 тысяч даляраў на прэзідэнцкую кампанію. Адхіленне Паксаса мела вялікі рэзананс.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна7
Каментары