Пакрыўджаны малец з Калінкавічаў збіў прыяцеля і забраў ягоныя ласіныя рогі
На жыхара Калінкавічаў, які скраў з хаты знаёмага ласіныя рогі, завялі крымінальную справу за рабаванне з гвалтам, паведамляе УУС Гомельскага аблвыканкама.
23-гадовы малец папрасіў у 59-гадовага знаёмага грошы на алкаголь, але той адмовіў.
Тады малодшы збіў старэйшага і забраў з кватэры ласіныя рогі, якія выкарыстоўваліся ў якасці вешалкі. На працягу паўгадзіны ён знайшоў на іх пакупніка і збыў. Неўзабаве мужчына быў затрыманы.
Распачата крымінальная справа за рабаванне, злучанае з гвалтам. Маладзёну пагражае да 6 гадоў зняволення. Зрэшты, ён ужо быў судзімы за крадзеж, некалькі месяцаў таму выйшаў на волю.
Пацярпелы ад шпіталізацыі адмовіўся.
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары