Міжнародная канферэнцыя па праблемах пастаўкі газу ў Еўропу пройдзе 17 студзеня ў Маскве.
Міжнародная канферэнцыя па праблемах пастаўкі газу ў Еўропу пройдзе 17 студзеня ў Маскве.
Як паведамляе РІА Новості, прадстаўнікі краін — спажыўцоў і транспарцёраў расійскага газу абмяркуюць на экстранным саміце ў Крамлі праблему транзіту газу цераз Украіну ў Еўропу, якая ўжо больш як 10 дзён не атрымлівае газ з Расіі.
Для ўдзелу ў канферэнцыі ў Маскву вылецела беларуская дэлегацыя на чале з прэм’ер‑міністрам Сяргеем Сідорскім. У складзе дэлегацыі таксама міністр эканомікі Мікалай Зайчанка, міністр энергетыкі Аляксандр Азярэц, генеральны дырэктар ААТ «Белтрансгаз» Уладзімір Маёраў.
Аб прапанове Расіі склікаць саміт краін — спажыўцоў расійскага газу заявіў раней прэзідэнт РФ Дзмітрый Мядзведзеў.
Арменію маюць рэпрэзентаваць прэзідэнты, Украіну, Казахстан, Малдову і Беларусь - прэм'ер-міністры. Крэмль спадзяваўся сабраць у Маскве вялікі саміт, але атрымаў адлуп ад Нікаля Сарказі, прэзідэнта Францыі. Ніякага саміту, пакуль у Еўропу не паступае газ, заявіў той.
Каментары