Паляк і беларус спрабавалі пераправіць цераз Буг буйную партыю цыгарэт, але папаліся і вырашылі супраціўляцца
Брэсцкія пагранічнікі ў раёне населенага пункта Галачова недалёка ад беларуска-польскай мяжы затрымалі двух мужчын, якія паспрабавалі схавацца, паведамляе Дзяржпагранкамітэт.
25-гадовы берасцеец і 29-гадовы жыхар Бяла-Падляскі спрабавалі пераправіць цераз Заходні Буг буйную партыю цыгарэт — не менш за 15 корабаў. Тытунёвыя вырабы павінны былі трапіць у Польшчу праз памежную раку на аўтамабільных камерах. Парушальнікаў затрымалі памежнікі, пры гэтым беларус аказаў актыўнае супраціўленне памежнаму нараду.
У дачыненні да мужчын распачаты адміністрацыйны працэс па ст.23.29 (незаконнае перасячэнне мяжы) КоАП Беларусі, а супраць грамадзяніна Польшчы — яшчэ і па ст.23.55 (парушэнне правілаў знаходжання). Берасцейца могуць прыцягнуць да адказнасці і па ч.1 ст.366 (гвалт альбо пагроза ў дачыненні да службовай асобы) КК Беларусі. Яму пагражае да 5 гадоў пазбаўлення волі.
Каментары