«Антонавіч прадстаўляе» — Саладуха анансуе канцэрт на 50 тысяч чалавек
«Калі Ісус Хрыстос ішоў 40 дзён па пустыні, то Аляксандр Саладуха ішоў 40 гадоў да Кастрычніцкай плошчы».
«У чэрвені 27‑га ў мяне сольнік грандыёзны на Кастрычніцкай плошчы. Я хачу сабраць 50 тысяч гледачоў. І я ведаю, як гэта зрабіць. І канцэрт будзе называцца «Антонавіч прадстаўляе», — расказаў пра свае творчыя планы ў інтэрв’ю АНТ Аляксандр Саладуха.
Паводле слоў артыста, ідэя канцэрта яму прыйшла, калі ён разам з маладой зоркай Насцяй Краўчанка зняў кліп на песню «Насця-Саша». Саладуха прызнаўся, што выхад за межы звыклага жанру даўся яму няпроста:
«Я і са студыі хацеў сысці разоў 50. На здымачнай пляцоўцы тое ж самае. Але пастаянна ўнутраны голас казаў: «Не рабі гэтага, ты прыедзеш дадому, укусіш локці і ў вачах маладых рабят акажашся слабым», — шчыра падзяліўся спявак.
Саладуха прызнаецца, што наважыцца на запіс дапамог прадзюсар Сяргей Мінскі: «Я кажу — я не магу на адной ноце, на адным акордзе. Гэта не маё. Ён кажа — трэба. Будзе бомба».
Паводле слоў Саладухі, менавіта фраза з песні «Антонавіч, нават не мар» навяла яго на думку пра назву будучага канцэрта:
«Не «Аляксандр Саладуха — 40 гадоў на сцэне», а «Антонавіч прадстаўляе». Гэта будзе інтрыгаваць».
Як заяўляе спявак, ён плануе на свой канцэрт запрасіць шэраг вядомых блогераў і выканаўцаў і правесці яго днём у чэрвені, калі ў школах і ВНУ будуць выпускныя вечары:
«Я хачу запрасіць толькі адну моладзь. Ужо далі пацверджанне Дзім Дзімыч, Улад Кабякоў, Насця Краўчанка, гурт «Дразды». [Канцэрт плануецца] ў чэрвені, калі выпускныя вечары ў школах і ВНУ, днём будзе канцэрт. Я павінен бачыць вочы, рукі ўсіх. І я веру, што мы збяром гэтую плошчу. На іх прыйдуць іх прыхільнікі, на мяне прыйдуць мае. Але менавіта моладзь».
У інтэрв’ю Саладуха расказаў, што прыдумаў фразу, якая з’явіцца ў анонсах канцэрта:
«Калі Ісус Хрыстос ішоў 40 дзён па пустыні, то Аляксандр Саладуха ішоў 40 гадоў да Кастрычніцкай плошчы».
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары
" Антошка , Антошка .
Иди копать картошку " .