Ад заўтра вырасце плата за рэгістрацыю ў электроннай чарзе на выезд з Беларусі
У Беларусі з 1 студзеня 2026 года павышаецца плата за рэгістрацыю ў электроннай чарзе на выезд з краіны.
Фота: Tochka.by
Для грузавікоў і аўтобусаў плата павялічваецца з 1 да 1,5 базавай велічыні. Паколькі ад заўтра базавая велічыня вырасце з 42 да 45 рублёў, то плата складзе ад 42 да 67,5 рубля.
Для легкавых аўтамабіляў і матацыклаў павялічваецца з 0,3 да 0,5 БВ, або з 12,6 да 22,5 рубля. Гэты тарыф будзе дзейнічаць пры адсутнасці браніравання даты ўезду ў пункт пропуску.
Калі ж кіроўца захоча забраніраваць канкрэтную дату, яму трэба будзе заплаціць 15,5 БВ (697,5 рубля).
Каментары