У Крыме далі тэрмін украінцу, які абліў фарбай статую «зялёнага чалавечка»
Грамадзяніна Украіны Максіма Сакуранку прысудзілі да 6-ці месяцаў калоніі-пасялення за тое, што ён у акупаваным Расіяй Сімферопалі абліў фарбай помнік расійскім вайскоўцам, якія захоплівалі Крым у 2014 годзе, паведамляе Крымская праваабарончая група.
У тэксце прысуду, які маецца ў распараджэнні праваабарончай групы, сказана, што ўкраінец гэта здзейсніў «па матывах палітычнай нянавісці», выкліканай непрызнаннем акупацыі Крыма.
Прысуд Вольга Чэпель вынесла 17 красавіка 2019 года, але інфармацыю пра гэта праваабаронцы атрымалі толькі цяпер.
Украінца прызналі вінаватым у здзяйсненні злачынства, прадугледжанага ч. 2 арт. 214 КК РФ (вандалізм), і прызначылі пакаранне ў выглядзе шасці месяцаў пазбаўлення волі з адбываннем пакарання ў калоніі-пасяленні.
У дакуменце таксама ўказана, што Сакуранка не прызнаў сваёй віны і ў судовым пасяджэнні заявіў пра сваё нежаданне атрымліваць расійскі пашпарт.
Жыхара Крыма Максіма Сакуранку затрымалі ноччу 28 студзеня 2019 года пасля таго, як ён абліў чырвонай фарбай помнік у Сімферопалі расійскім вайскоўцам, што ўдзельнічалі ва ўзброенай акупацыі Крыма.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары