Украінскі тэлеканал NewsOne абвясціў пра адмену тэлемоста з «Расіяй 1» пад назвай «Трэба пагаварыць» з-за «прамых пагроз фізічнай расправы».
«У сувязі з інфармацыйнай кампаніяй супраць сваіх журналістаў, пагрозай нападу на канал і выкарыстаннем яго імя ў перадвыбарчай кампаніі шэрагу ўкраінскіх партый, мы вымушаныя спыніць падрыхтоўку тэлемарафона «Трэба пагаварыць», - сказана ў паведамленні.
У NewsOne падкрэслілі, што перадача павінна была стаць «першым непалітычным тэлемостам паміж людзьмі з Украіны і Расіі».
Аб планах «Расіі 1» і NewsOne, які звязваюць з «кумам Пуціна» Віктарам Медведчуком, правесці расійска-ўкраінскі тэлемост, напярэдадні абвясціў вядучы «Весцей тыдня» Дзмітрый Кісялёў. У анонсе шоу вядучыя - Андрэй Малахаў, Марыя Сітэль, Алена Кірык і Васіль ГалаванаЎ — з усмешкай казалі: «Нам трэба пагаварыць».
Каментары