З Літвы ў Беларусь спрабавалі незаконна ўвезці ўседарожнікі, схаваныя ў тайніку з аўтазапчастак
Гродзенскія мытнікі спынілі незаконны ўвоз з Літвы ў Беларусь двух японскіх уседарожнікаў, якія былі схаваны ў грузавым адсеку.
Паводле дакументаў, у грузавіку перамяшчаліся аўтамабільныя запчасткі коштам больш за 7,5 тысячы рублёў. Аднак пасля сканавання высветлілася, што ў аўтацягніку быў іншы тавар.
Паўпрычэп быў абсталяваны фальшывымі сценкамі, па ўсім перыметры якіх і размяшчаліся аўтамабільныя запчасткі. Унутры тайніка знаходзіліся два легкавыя аўтамабілі.
Уседарожнікі, кошт якіх склаў больш за 150 тысяч рублёў, а таксама грузавы аўтамабіль з паўпрычэпам канфіскавалі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары