Дзяржсакратар ЗША Майк Пампеа заявіў, што Іран не прыняў яго прапанову наведаць Тэгеран і «пагаварыць проста з іранскім народам». Пра гэта ён напісаў у Twitter.
We aren’t afraid of @JZarif coming to America where he enjoys the right to speak freely. Are the facts of the @khamenei_ir regime so bad he cannot let me do the same thing in Tehran? What if his people heard the truth, unfiltered, unabridged?
Ідэю наведаць Іран Пампеа раней агучыў у адным з інтэрв'ю. Паводле яго слоў, кіраўнік МЗС Ірана Махамад Джавад Зарыф пастаянна прыязджае ў ЗША, дзе «карыстаецца правам гаварыць свабодна».
Раней прэзідэнт ЗША Дональд Трамп і дзяржсакратар Майк Пампеа заяўлялі пра гатоўнасць да перамоваў з Іранам. Нягледзячы на тое што фармальна ў Вашынгтоне не вылучаюць папярэдніх умоў, сама тэматыка магчымых перамоваў не задавальняе Тэгеран: Трамп хоча перагляду пагаднення «ядзернай здзелкі» 2015 года, з якой ЗША выйшлі ў мінулым годзе.
У новым дакуменце, на думку амерыканскага лідара, павінны быць адлюстраваны абавязацельствы Ірана па змене сваёй палітыкі, перш за ўсё адмова ад падтрымкі тэрарызму за мяжой і распрацоўкі ядзернай зброі. У адваротным выпадку ЗША пагражаюць працягваць палітыку санкцый супраць Ірана.
Каментары