Адміністрацыя Трампа часова прыпыніла дзеяньне большасьці зацьверджаных Кангрэсам фондаў замежнай дапамогі ў чаканьні яе рэвізіі Дзярждэпартаментам і Агенцтвам ЗША па міжнародным разьвіцьці, піша радыё «Свабода» са спасылкай на CNN.
Ліст адпаведнага зьместу ўпраўленьне накіравала Дзярждэпартамэнту і Агенцтву ЗША па міжнародным разьвіцьці (USAID) 3 жніўня. Ведамствам даручана правесьці праверку, колькі грошай цяпер знаходзіцца на гэтых рахунках і як яны расходуюцца.
Сума фінансаваньня, пра якую ідзе гаворка, — ад 2 да 4 мільярдаў даляраў, паведаміў прадстаўнік USAID. Грошы могуць быць выкарыстаныя толькі праз тры працоўныя дні пасьля заканчэньня праверкі, якая, як адзначае тэлеканал, можа быць адкладзеная. Аднак сродкі трэба выдаткаваць да 30 верасьня, калі ў ЗША скончыцца фінансавы год ЗША, інакш тэрмін дзеяньня дазволу на іх мінае.
Адміністрацыйна-бюджэтнае ўпраўленьне Белага дома можа прапанаваць Кангрэсу адмяніць выдзяленьне грошай, прадугледжаных да канца фінансавага году. Гэта залежыць ад рэакцыі Дзярждэпартамэнту і USAID на зварот.
Крытыкі асьцерагаюцца, што гэты крок можа прывесьці да рэзкага скарачэньня фінансаваньня глябальных праграм аховы здароўя, міратворчасьці, кантролю над наркотыкамі і іншых відаў дапамогі, нягледзячы на тое, што вылучэньне гэтых грошай ўхваліў Кангрэс.
Адміністрацыя Трампа неаднаразова спрабавала зьменшыць колькасьць грошай, якія Вашынгтон траціць на замежную дапамогу. У красавіку 2019 году адміністрацыя беспасьпяхова спрабавала скараціць бюджэт на зьнешнюю дапамогу і дыпляматыю на 23%.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары