57-гадовы беларус забіў чатырох алкаголікаў з Масквы, каб займець іх кватэры
Неўзабаве ў Расіі пачнецца суд над 57-гадовым грамадзянінам Беларусі.
Яго вінавацяць у забойстве чатырох чалавек, паведамляюць расійскія следчыя.
Як мяркуе следства, беларус дзейнічаў у складзе арганізаванай злачыннай групы.
Маскоўскім адзінокім алкаголікам прапаноўвалі прадаць кватэру, а ўзамен купіць жыллё на тэрыторыі Цвярской вобласці і атрымаць грошы.
Пасля заключэння здзелкі алкаголікам падмешвалі снатворнае. А калі яны засыналі, забівалі. У матэрыялах справы пералічваюцца спосабы — утапленне, закапванне жывымі ў зямлю, расстрэл.
Агулам на тэрыторыі Цвярской вобласці Расіі беларус забіў чатырох чалавек.
Апроч таго, з картак пацярпелых вывелі каля $7000.
Максімальнае пакаранне, якое пагражае беларусу, — пажыццёвае зняволенне. Расстрэлы ў Расіі адмененыя.
Каментары