Пасажыру не спадабаўся маршрут таксіста. Ён дастаў пісталет і ўдарыў кіроўцу
П'яны пасажыр напаў на таксіста на трасе Мінск — Дзяржынск. Нецвярозы кліент пачаў скандаліць, а потым некалькі разоў ударыў кіроўцу па галаве ручкай пнеўматычнага пісталета, паведамляе міліцыя.
Кіроўца таксі, 19-гадовы мінчук, звярнуўся ў міліцыю. Малады чалавек распавёў, што, прыехаўшы ноччу на выклік у адзін з клубаў, узяў на борт падвыпіўшага кліента. На трасе Мінск — Дзяржынск п'яны пасажыр пачаў канфліктаваць, сказаўшы, што яму не падабаецца маршрут, дастаў пнеўматычную зброю і тройчы ўдарыў кіроўцу па галаве ручкай пісталета.
Мужчына, што нападаў, паспеў схавацца, аднак яго ўдалося адшукаць па гарачых слядах.
Фігурантам крымінальнай справы, заведзенай па ч.3 арт.339 (хуліганства) КК, стаў 33-гадовы беспрацоўны жыхар вёскі Прылукі. Яму цяпер пагражае пазбаўленне волі на тэрмін да 10 гадоў.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я19
Каментары