Лукашэнка: «Пачалі гэтыя ракеты размяшчаць розныя… Я кажу: прыбірайце свае ракеты»
Аляксандр Лукашэнка пракаментаваў сваё рашэнне не ехаць у Польшчу 1 верасня на памятныя мерапрыемствы ў сувязі з пачаткам Другой сусветнай вайны. Лукашэнка адзначыў, што ён быў не супраць самога факту правесці гэтыя мерапрыемствы.
— Але мы яе не ўзносім да нейкіх палітычных нябёсаў. Гэта не трэба рабіць. Я супраць палітызацыі гэтай падзеі, — сказаў ён. - Нашы людзі былі 1 верасня тут. Так, прэзідэнт туды не паехаў. Дык не я адзін не паехаў. І гэта не выпад супраць Захаду. Мы вельмі добра ставімся да польскага народу і будзем да іх так ставіцца. Таму што з гэтага, заходняга боку, як рускія, так і палякі тут у нас. Мы ў адной дзяржаве калісьці жылі. У нас шмат палякаў жыве. Чаму мы павінны з імі сварыцца? Так, яны праводзяць іншы раз тую палітыку, якая не падабаецца. Вы ведаеце маю рэакцыю на гэта. Я ім шчыра кажу: глядзіце, мы адкажам.
— Дакладна так, калі пачалі гэтыя ракеты размяшчаць розныя. Мы адказалі — стварылі свой комплекс «Паланэз». Яны заплакалі, што мы іх там нацэлілі… Я кажу: прыбірайце свае ракеты. Праўда, я даў каманду — на склад паклалі свае ракеты. Думаю, зробяць так жа і яны, адказ будзе дакладна такі. Мы не хочам ні з кім ваяваць. Але мы не дазволім больш з нас здзекавацца. Нікому. Ні магутным дзяржавам, ні слабейшым, — падкрэсліў Лукашэнка.
— Не трэба палітызаваць гэтыя пытанні. Яшчэ невядома, дзе мы апынёмся праз дзясятак-другі гадоў. Таму адзін аднаго дапякаць гэтымі праблемамі не трэба. І ў той жа час, яшчэ раз падкрэсліваю, мы ж не былі супраць. Нашы людзі там прысутнічалі на цырымоніі, наш пасол, дыпламаты былі. Не бачу тут ніякіх антызаходніх выпадаў, — сказаў Лукашэнка.
Цяпер чытаюць
Новы Нюрнберг. Еўропа стварае Спецтрыбунал па вайне ва Украіне — ці змогуць асудзіць Лукашэнку?1
Каментары