Прэзідэнт ЗША Дональд Трамп заявіў журналістам, што гатовы да канца гэтага года сустрэцца з паўночнакарэйскім лідарам Кім Чэн Ынам, каб аднавіць перамовы па дэнуклеарызацыі КНДР. Словы Трампа прыводзіць Reuters.
Заявы амерыканскага лідара гучаць на фоне адстаўкі яго дарадцы па нацбяспецы Джона Болтана. Апытаныя Reuters аналітыкі лічаць, што адхіленне Болтана можа дапамагчы намаганням ЗША па аднаўленні перамоў па дэнуклеарызацыі, аднак не зможа дапамагчы ім дамагчыся галоўнай мэты — пераканаць Пхеньян адмовіцца ад ядзернай зброі.
Сам Трамп напярэдадні, каментуючы адстаўку Болтана, назваў памылкай паводзіны Болтана з паўночнакарэйскім лідарам. У прыватнасці, прывёў у прыклад Трамп, Болтан абразіў Кім Чэн Ына, запатрабаваўшы ад яго здачы ўсёй ядзернай зброі і згадаўшы «лівійскую мадэль».
Каментары