Міністэрства фінансаў пазбавіла ліцэнзіі страхавую кампанію «Кентаўр»
У ліпені 2025 года Мінфін прыпыняў дзеянне ліцэнзіі на паўгода да 9 студзеня 2026 года.
Міністэрства фінансаў спыніла дзеянне ліцэнзіі на ажыццяўленне страхавой дзейнасці кампаніі «Кентаўр».
«Рашэнне прынята ў сувязі з заканчэннем тэрмінаў, адведзеных для выканання страхавіком патрабавання рэгулятара па фарміраванні мінімальнага памеру статутнага фонду ў памеры, устаноўленым заканадаўствам Рэспублікі Беларусь», — паведамляе прэс-служба Мінфіна.
З моманту спынення дзеяння ліцэнзіі кампанія павінна перадаць абавязкі па раней заключаных ёй дамовах страхавання іншай страхавой арганізацыі або разарваць дамовы (за выключэннем выпадкаў узнікнення абавязкаў па ажыццяўленні страхавых выплат) і вярнуць страхавальнікам частку страхавога ўзносу прапарцыянальна часу, што застаўся да заканчэння страхавання. Таксама кампанія павінна ажыццяўляць страхавыя выплаты, якія ўзніклі да разарвання дамоваў страхавання.
Абавязкі, прынятыя кампаніяй «Кентавр» па дамовах страхавання, будуць перададзены Белдзяржстраху.
У ліпені 2025 года Мінфін прыпыняў дзеянне ліцэнзіі на паўгода да 9 студзеня 2026 года.
«Кентавр» — адна з найстарэйшых страхавых кампаній Беларусі, заснаваная ў 1991 годзе. У 2020 годзе рахункі кампаніі часова блакаваліся ДФР па справе «Белгазпрамбанка», паведамляе Office Life.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары