На кортах мінскага Палаца тэніса стартуюць матчы кваліфікацый Кубка Дэвіса, у якіх зборная Беларусі выступае супраць партугальскай каманды. Сетка аптэк ADEL выступае партнёрам мерапрыемства.
У склад беларускай зборнай увайшлі тэнісісты Ягор Герасімаў, Ілля Івашка, Уладзімір Ігнацік, Аляксандр Згіроўскі і Андрэй Васілеўскі. Капітанам каманды стаў Ігар Ціханко. Мужчынская зборная займае цяпер 31-е месца ў рэйтынгу Кубка Дэвіса, партугальская каманда — на 26-ым.
У першы дзень Ілля Івашка згуляе з галоўнай партугальскай зоркай — 64-й ракеткай свету Жуанам Соўзам. Пасля заканчэння паядынку Ягор Герасімаў пазмагаецца з Жоаа Дамінгешам. У другі дзень, 14 верасня, пройдзе парны матч, пасля якога адбудуцца яшчэ дзве сустрэчы ў адзіночным разрадзе.
Зборныя Беларусі і Партугаліі ўжо сустракаліся двойчы на спаборніцтвах Кубка Дэвіса. У 2002 годзе каманда Беларусі здабыла перамогу з лікам 4:1. У 2015 годзе нашы суайчыннікі саступілі партугальцам з лікам 2:3. Так што пакуль у гэтым супрацьстаянні назіраецца нічыя.
«Унутры кампаніі мы надаём вялікую ўвагу здароваму і актыўнага ладу жыцця. І наш дэвіз — «Я за цябе!». Часта для таго, каб заняцца сабой, многім людзям не хапае нейкага арыенціру, паказальнага прыкладу перад вачыма. На наш погляд, беларускія тэнісісты маюць усе шанцы прыгожа і вынікова выступіць на Кубку Дэвіса ў найбліжэйшы час. Мы ўпэўненыя, што хлопцы не толькі годна прадставяць краіну, але і сваім прыкладам натхняць іншых займацца спортам», — пракаментавалі прадстаўнікі сеткі ADEL.
Кубак Дэвіса ў гэтым годзе змяніў фармат правядзення спаборніцтваў. Замест дзвюх рэгіянальных груп у зонах «Амерыкі», «Азія/Акіянія» і «Еўропа/Афрыка» ствараюцца дзве сусветныя групы. Для іх пройдуць дадатковыя раўнды плэй-оф, якія адбудуцца ў сакавіку 2020 года адначасова з адборачнымі матчамі ў фінальную частку Кубка Дэвіса. У апошніх возьме ўдзел беларуская зборная, калі адолее партугальцаў на гэтым тыдні.
Беларусь пачала выступаць на Кубку Дэвіса з 1994 года. Найлепшым вынікам нацыянальнай зборнай стаў выхад у паўфінал у 2004 годзе. Тады яна змагла абысці моцных супернікаў у асобе каманды Расіі і Аргенціны, але саступіла зборнай ЗША з лікам 0:4.
У мінскім метро праходзяць выпрабаванні новыя цягнікі ФОТЫ3
Каментары