720‑старонкавае ілюстраванае выданне выпушчана сталічным выдавецтвам «Беларуская энцыклапедыя» накладам 3,5 тыс. асобнікаў. Невялікая частка накладу кнігі выйшла ў дарагім скураным пераплёце з керамічнай устаўкай.
Прэзентацыя першай «Энцыклапедыі беларускай кухні» прайшла 11 лютага ў нацыянальным выставачным цэнтры «Белэкспа» ў межах XVI Мінскай міжнароднай кніжнай выставы‑кірмашу.
720‑старонкавае багата ілюстраванае выданне выпушчана сталічным выдавецтвам «Беларуская энцыклапедыя імя Петруся Броўкі» накладам 3,5 тыс. асобнікаў. Невялікая частка накладу кнігі выйшла ў дарагім скураным пераплёце з керамічнай устаўкай.
У кнігу, прысвечаную традыцыйнай беларускай кухні,
уключаны розныя гістарычныя і культуралагічныя матэрыялы па гісторыі харчавання для прадстаўнікоў усіх сацыяльных пластоў і канфесій, якія жылі на тэрыторыі краіны са старадаўніх часоў да сучаснасці.Значнае месца аддадзена кухні народаў, якія на працягу стагоддзяў насяляюць Беларусь і зрабілі вялікі ўплыў на нацыянальную кухню беларусаў.
У выданні апавядаецца пра традыцыйныя беларускія стравы, напоі, сыравіну і кампаненты, прадукты харчавання, спецыі і прыправы, посуд і застольны этыкет беларусаў, святы і абрады, пададзены тэхналогія і рэцэпты прыгатавання ежы і напояў.
Энцыклапедыя з’яўляецца першым у гісторыі нацыянальнай культуры галіновым навукова‑даведачным выданнем, прысвечаным развіццю беларускай кулінарыі і гастраноміі.
У інтэрв’ю БелаПАН ініцыятар стварэння кнігі і адзін з яе аўтараў доктар гістарычных навук Алесь Белы зазначыў, што ў выданні паказаны розныя аспекты культуры харчавання беларусаў, у тым ліку этнаграфічны і дыеталагічны.
Як лічыць вучоны, кніга дапаможа ўстанаўленню сувязей паміж рознымі спецыялістамі, у тым ліку гісторыкамі і этнографамі, біёлагамі, кулінарамі і дыетолагамі, менеджэрамі рэстараннага і турыстычнага бізнесу. «Тэхнолагі‑кулінары не ведаюць базавых фактаў з мінулага беларускай культуры і гісторыі нацыянальнага харчавання, таму што выхоўваліся на савецкіх традыцыях», — зазначыў А.Белы.
Гісторык назваў выданне часткай свайго мэтавага праекта «Наша краіна», над якім ён працуе 10 гадоў.
20 лютага адбудзецца прэзентацыя кнігі ў сядзібе «Марцінова гусь» у вёсцы Малая Люцынка Валожынскага раёна Мінскай вобласці, размешчанай на тэрыторыі Налібоцкай пушчы.
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары