Навукоўцы Універсітэта Вандэрбільта (ЗША) раскрылі новы механізм метастазавання, які заключаецца ў тым, што ракавыя клеткі выбіраюць менш энергазатратны шлях для міграцыі ў іншыя тканкі і органы арганізма. Аб гэтым паведамляецца ў прэс-рэлізе на MedicalXpress.
Даследчыкі высветлілі, што злаякасныя клеткі аддаюць перавагу перамяшчэнню па шырокіх, а не вузкіх прасторах у міжклеткавым матрыксе. Выдатак энергіі і метабалізм выявіліся важнымі фактарамі ў фарміраванні метастазаў, то бок другасных пухлінных ачагоў. Адкрыццё дапамагло навукоўцам спрагназаваць, па якіх шляхах будуць міграваць клеткі, і скласці карты іх руху.
Пры прагрэсаванні раку пазаклеткавы матрыкс становіцца дэзарганізаваным, утвараюцца поры і вузкія каналы шырынёй ад трох да 30 мікраметраў. Як толькі каналы або мікратрэкі фармуюцца аднымі пухліннымі клеткамі, іншыя клеткі выкарыстоўваюць іх для хуткага распаўсюду. Гэта тлумачыць, чаму інгібітары матрыксных металапратэіназаў не заўсёды эфектыўныя супраць метастазавання, калі рак пераходзіць у апошнюю стадыю. Разуменне механізмаў перамяшчэння клетак праз мікратрэкі павінна дапамагчы ў распрацоўцы новых метадаў тэрапіі.
Матрыкснымі металапратэіназамі называюць бялкі, якія адыгрываюць вырашальную ролю ў ангіягенэзе (утварэнні новых сасудаў), міграцыі і падзеле клетак, праграмаванай клеткавай смерці (апаптоз) і іншых працэсах.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары