У Брагінскім раёне плануюць будаваць порт для выхаду да Чорнага мора
У Брагінскім раёне да 2025 года плануюць пабудаваць порт з перспектывай выхаду да Чорнага мора. Інвестыцыйны дагавор на 64 мільёны долараў з турэцкім бізнесменам падпісалі ў верасні, піша Еўрарадыё са спасылкай на БТ.
Пад будаўніцтва порта на Дняпры, інфраструктуры, у тым ліку міжнароднага лагістычнага цэнтра, выдзелена каля 360 гектараў зямлі паблізу вёсак Ніжнія і Верхнія Жары.
Скрыншот відэа БелМП.
«Калі порт пабудуюць, то ён дасць прыблізна тысячу рабочых месцаў. Дасць штуршок для развіцця інфраструктуры: жыллё, абслугоўванне, крамы, будаўнічыя арганізацыі, перапрацоўчыя арганізацыі і рамонтныя майстэрні, гэта будзе затрымка для моладзі, якая цяпер едзе ў вялікія гарады», — лічыць намеснік старшыні Брагінскага райвыканкама Пётр Раманюк.
Меркаванае месца будаўніцтва порта.
Каментары