Прэм'ер-міністр Даніі прымусіла парламент пасмяяцца з гісторыі пра сяброўства слана і вярблюда — смешнае ВІДЭА
У сеціве дзеляцца смешным відэа з удзелам прэм'ер-міністра Даніі Мэтэ Фрэдэрыксэн, якая прадстаўляла ў парламенце новы закон аб прыватным цырку. Кіраўнічка ўрада не магла не рассмяяцца, калі распавяла пра сяброўства сланіхі і вярблюда.
Відэа пра інцыдэнт даступна на Youtube. Фрэдэрыксэн распавядае парламентарыям пра куплю сланоў з прыватных цыркаў, дзе іх забаронена трымаць паводле новага закона. Робячы гэта, яна згадвае гісторыю вярблюда па мянушцы Алі, які быў моцна закаханы ў адну са сланіх і не хацеў яе адпускаць. Урэшце урад павінен быў выкупіць і сланіху, і вярблюда.
Гэты эпізод падаецца прэм'еру вельмі смешным, і яна спачатку спрабуе не смяяцца. Аднак у рэшце рэшт яна смяецца. Разам з ёй смяюцца і дацкія парламентарыі.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары