23-гадовы Уладзіслаў Сыса быў зарэгістраваны кандыдатам у дэпутаты ад Брэсцкай-Усходняй выбарчай акругі №3. Але потым камісія адмяніла рэгістрацыю.
Прычынай стала тое, што малады чалавек вучыцца на дзённым у магістратуры Варшаўскага ўніверсітэта і не пражывае пастаянна ў Беларусі.
«Буду абскарджваць, канечне, — пракаментаваў Уладзіслаў «Нашай Ніве». — Юрыст кажа, што прычына адмовы дурная, прыплялі артыкулаў як абгрунтаванне, але яны наогул з іншай оперы. У Польшчы я на вучобе, і гэты факт кажа пра тое, што я часова знаходжуся ў іншай краіне, і гэта ніяк не можа паўплываць на мой статус «пастаянна пражывае на тэрыторыі Беларусі».
Хлопец дадае, што ўжо былі выпадкі, калі кандыдатамі на выбары рэгістравалі тых, хто жыве за мяжой.
«Зянон Пазняк і яго рэгістрацыя ў 2001-м, Някляеў у 2010-м, хоць яны наогул з'ехалі з краіны», — аргументуе студэнт.
Уладзіслаў Сыса раней скончыў універсітэт у Любліне па спецыяльнасці «палітолаг». Ён выступае за ўступленне ў Еўрасаюз, дэкрыміналізацыю артыкула 328 (за наркотыкі), адмену платных пікетаў.
Цяпер чытаюць
Што здарылася з Мікітам Мелказёравым, які раптоўна памёр ноччу?31
Каментары