«У якім баку Польшча?»: як пільны школьнік у Бераставіцкім раёне дапамог памежнікам затрымаць парушальніка мяжы
Здарэнне адбылося 22 кастрычніка, паведамляе Памежны камітэт.
Каля крамы ў цэнтры аграгарадка «Пагранічны» Бераставіцкага раёна да вучня 9-га класа Максіма Каплінскага звярнуўся мужчына з заплечнікам.
Яго цікавіла, у якім баку знаходзіцца мяжа з Польшчай і колькі да яе кіламетраў. Школьнік не разгубіўся і паказаў няправільны кірунак, а сам пабег тэлефанаваць памежнікам. Затым працягнуў назіраць за патэнцыйным парушальнікам мяжы да прыбыцця трывожнай групы.
У выніку мужчына быў затрыманы. Высветлілася, што гэта 25-гадовы ўраджэнец Курганскай вобласці, у 2017 годзе ён ужо спрабаваў парушыць беларускую мяжу, за што быў дэпартаваны з забаронай уезду ў нашу краіну тэрмінам на пяць гадоў.
Зараз няўдалы парушальнік знаходзіцца ў ізалятары часовага ўтрымання Гродзенскай памежнай групы. Яму пагражае да трох гадоў пазбаўлення волі.
Памежны камітэт паведамляе, што выявіць і дапамагчы затрымаць падазронага чалавека ў памежнай зоне Максіму Каплінскаму дапамаглі веды, якія ён набыў у атрадзе «Юны сябар памежнікаў».
Камандаванне заставы «Пагранічны» і Гродзенскай пагрангрупы падзякавала Максіму за праяўленую пільнасць і актыўную грамадзянскую пазіцыю, а яго бацькам — за годнае выхаванне сына.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2828
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары