30 лістапада — Фестываль Уладзіміра Караткевіча ў Смалянах і Оршы
Аршанская філія Таварыства беларускай мовы і Беларускі ПЭН-Цэнтр запрашаюць на «вандроўны» Фестываль Уладзіміра Караткевіча, які сёлета пройдзе ўпершыню ў Смалянах і Оршы 30 лістапада.
Вас чакае чарада культурніцкіх падзей, у якіх возьмуць удзел дзеячы культуры з усёй краіны, але найперш творцы з Аршаншчыны. Фестываль прымеркаваны да дня нараджэння горача любімага беларусамі класіка ХХ стагоддзя, якое святкуецца 26 лістапада. Экскурсіі, гутаркі пра творчую спадчыну Караткевіча, вершы, проза, спевы і выдатныя кніжкі для ўсіх ахвочых далучыцца!
Расклад падзей:
10:00 — экскурсія па Смалянах ад краязнаўца Віктара Мяжэвіча.
Балотны замак Белы Ковель, руіны Дамініканскага касцёла і кляштара, царква Святога Спаса (драўлянае барока). Прамова Ірыны Дубянецкай на магіле Тамаша Зана.
Збор а 10-й у Смалянах на цэнтральнай плошчы (каля дамініканскіх руінаў).
14:30 — экскурсія па Оршы Уладзіміра Караткевіча ад пісьменніцы Паліны Качатковай.
Агляд Дому Караткевіча, які будзе адкрыты для публікі ў дзень фестывалю.
Збор ад 14:15 на Аршанскім «нулявым кіламетры» (пачатак вуліцы Караткевіча).
17:00 — 20:00 — літаратурна-музычная імпрэза.
Уладзімір Арлоў, Наста Кудасава, Таццяна Нядбай, Андрэй Хадановіч, Зміцер Дзядзенка ды іншыя. Песні Сержука Доўгушава на вершы Караткевіча.
Кавярня «Замкавая» ў будынку езуіцкага калегіума (вул. Леніна, 6а, Орша).
Усе падзеі — бясплатныя.
У праграме магчымыя дапаўненні і сюрпрызы. Сачыце за абвесткамі!
Пачас імпрэзы можна будзе набыць па прывабных цэнах кнігі як класікаў, так і сучасных беларускіх аўтараў у «Вандроўнай кнігарні «Логвінава» і краме «Акадэмкніга».
У любы час гэтыя, а таксама іншыя новыя выданні і бестселеры можна набыць у кнігарні «Акадэмічная кніга» (пр. Незалежнасці, 72).
РУП «Акадэмічная кніга» УНП 101462648
Дзмітрый Лукашэнка хоча паставіць пад кантроль усе мабільныя тэлефоны11
Каментары