Плюсавая тэмпература ўсталюецца пры канцы тыдня, а сапраўдная вясна прыйдзе ў другой палове сакавіка.
Да сярэдзiны першай дэкады сакавiка надвор’е ў нашай краiне будзе вызначацца зонай павышанага цiску, паведамiў начальнiк службы гiдраметэапрагнозаў Рэспублiканскага гiдраметцэнтра Дзмiтрый Рабаў.
Менавiта таму да чацвярга ападкаў амаль не будзе, толькi ў заходнiх раёнах чакаецца невялiкi кароткачасовы снег i мокры снег. На дарогах месцамi галалёдзiца, уначы i ранiцай у асобных раёнах туман i намаразь. Тэмпература паветра сёння ўдзень ад мiнус 3 да плюс 3 градусаў, у сераду ўначы мiнус 1—7, на ўсходзе да 12 марозу, удзень — 0—6 цяпла.
У другой палове тыдня на тэрыторыю Беларусi завiтае адносна цёплае паветра з боку поўдня Еўропы. Аднак будзе ветрана, што зробiць надвор’е не вельмi камфортным. Часам будзе iсцi дождж i мокры снег. Тэмпература паветра ўначы ад мiнус 4 да плюс 2 градусаў,
удзень — ад мiнус 1 да 5 цяпла.
Згодна з папярэднiмi доўгатэрмiновымi прагнозамi, сярэднясутачная тэмпература сакавiка павiнна быць прыкладна на 1 градус вышэйшая за статыстычныя паказчыкаў (тэмпературная норма месяца складае ад мiнус 4 да плюс 1 градуса), ападкi ў межах нормы.
Актыўныя веснавыя працэсы пачнуцца не з першых дзён сакавiка.У першай палове месяца ўначы будзе яшчэ падмарожваць, а ўдзень тэмпература паветра будзе вагацца каля нуля. Цяплей стане ў другой палове сакавiка, калi дзённая тэмпература паветра будзе дасягаць 1—8 цяпла, а на поўднi краiны — падымацца i да плюс 9‑‑14 градусаў.
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было57
Каментары