З улікам павышанага попыту пасажыраў на міжнародныя паездкі ў навагоднія і калядныя святы, а таксама канікулярны час Беларуская чыгунка прызначыла дадатковыя цягнікі па найбольш папулярных у пасажыраў маршрутах, паведамляе прэс-служба прадпрыемства.
З 20 снежня 2019 года па 9 студзеня 2020 года яны будуць курсіраваць па такіх напрамках, як Мінск — Масква — Мінск, Гродна — Мінск — Санкт-Пецярбург, Масква — Брэст — Масква, Масква — Калінінград — Масква, Санкт-Пецярбург — Бранск, Санкт-Пецярбург — Смаленск — Санкт-Пецярбург, Калінінград — Масква — Калінінград, Магілёў — Львоў — Магілёў, Мінск — Вільня — Мінск.
Квіткі на дадатковыя цягнікі можна набыць у чыгуначных касах Беларускай чыгункі, на афіцыйным Інтэрнэт-сайце www.rw.by і з дапамогай мабільнага дадатка «БЧ. Мой цягнік».
Больш падрабязную інфармацыю пра час адпраўлення прызначаных дадатковых цягнікоў можна атрымаць на сайце www.rw.by, а таксама па тэлефоне Кантакт-цэнтра Беларускай чыгункі 105.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага16
Каментары