Паводле шэф-рэдактара Sputnik Эстонія Алены Чэрышавай, з 1 студзеня рэдакцыя была вымушаная спыніць працоўныя адносіны са Sputnik Эстонія і інфармацыйным агенцтвам «Россія сегодня». «Дэпартамент паліцыі і памежнай аховы Эстоніі паставіў кожнаму з нас ультыматум: альбо мы разрываем працоўныя дамовы, альбо на нас завядуць крымінальныя справы», — заявіла яна.
Адпаведная заява апублікаваная на сайце інфармацыйнага агенцтва.
Чэрышава абяцае, што «сайт працягне працу ў поўным аб'ёме», аднак супрацоўнікам агенцтва патрэбны нейкі час, «каб не жыць пад пастаянным ціскам з боку ўладаў Эстоніі». «Натуральна, мы пастараемся аднавіць працу максімальна хутка», — дадала яна.
Галоўная рэдактарка Russia today і «Россія сегодня» Маргарыта Сіманьян звярнулася са скаргай да генеральнага сакратара ААН Антоніу Гутэрэша і папрасіла яго «звярнуць асабістую ўвагу на дыскрымінацыйныя меры» ў дачыненні да журналістаў.
Прапагандысцкае агенцтва Sputnik Эстонія ўваходзіць у Міжнароднае інфармацыйнае агенцтва «Россія сегодня» і з 2014 года знаходзіцца пад санкцыямі Еўрасаюза. 18 снежня супрацоўнікі Sputnik атрымалі ад дэпартамента паліцыі і памежнай аховы Эстоніі лісты з папярэджаннем, што яны падпадуць пад крымінальны пераслед, калі яны да 1 студзеня 2020 года не спыняць працоўных адносін з «Россіяй сегодня». У снежні супрацоўнікаў агенцтва вымусілі пакінуць арандаванае памяшканне ў Таліне, а філіялы замежных банкаў замарозілі перавод заробкаў ім.
Інтэрнэт-сайты пад брэндам «Спутнік» былі створаныя Расіяй у розных краінах свету, у тым ліку, у Беларусі. Гэтыя сайты атрымліваюць шчодрае фінансаванне з расійскага дзяржаўнага бюджэту, у тым ліку, на прамоцыю свайго кантэнту ў сацыяльных сетках. У многіх краінах «Спутнік» абвінавачвалі ў распаўсюдзе дэзінфармацыі.
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары